Өнөөдөр Ардчилсан намын 21 аймаг дахь намын хороод хуралдаж, УИХ-ын сонгуульд нэр дэвшигчдээ тодруулж байгаа. Ховд аймгийн Ардчилсан нам ч мөн энэ өдөр хуралдаж байгаа бөгөөд тус тойргоос УИХ-д нэр дэвшихээр аймгийн Ардчилсан намын дарга Б.Пүрэвдорж, өмнө нь мөн тус тойрогт нэр дэвшиж байсан Н.Хүрэлсүх, УИХ-ын гишүүн кёкүшюзан Д.Батбаяр нар аймгийн намын хороон дээрээ өрсөлдөж байгаа гэнэ. Харин Ардчилсан намын дүрэм ёсоор дунд шатны намын дарга нар УИХ-д нэр дэвшихээр бол намын даргын ажлаа хүлээлгэж өгөх ёстой гэнэ. Гэтэл Б.Пүрэвдорж даргын хувьд “ажлаа өгөхгүй” гэснээс болж маргаан дэгдээд байгаа бололтой.

Нийслэлд ч ялгаагүй Нийслэлийн намын дарга Ш.Түвдэндорж, Чингэлтэй дүүргийн намын дарга Б.Батбаатар, Баянгол дүүргийн намын дарга С.Эрдэнэ нар мөн л намын даргын сонгуульт ажилтайгаа нэр дэвшиж байгаа нь бусад нэр дэвшигчдэд тэгш бус байдал үүсгэж, сонгууль шударгаар явахад саад болж байна гэсэн гомдол бусад нэр дэвшигчдийн зүгээс гарч байна.