Монголын Спортын цол зэрэг олгох зөвлөлийн 2011 оны анхдугаар хуралдаан өчигдөр БТСГ-т боллоо. Хуралд нийтдээ 13 спортын төрлийн 90 хүний материал хэлэлцсэнээс 51 нь зохих шалгуурыг даван тэнцлээ. Улмаар сагсан бөмбөгч П.Батзаяа, Төв аймгийн 18 настай цаначин А.Наранцэцэг, Сэлэнгийн таэквондоч Ө.Амартүвшин, пауэрлифтингийн Ш.Ариунбаатар, Д.Мөнх-Эрдэнэ нар Oлон улсын хэмжээний мастер цол хүртсэн бол спортын мастер 27, дэд мастер 17, улсын шүүгч хоёроор нэмэгдлээ.

Дашрамд сонирхуулахад, Спортын цол зэрэг хүсэх, шийдвэрлэх явцыг онлайн хэлбэрт оруулаад байгаа бөгөөд цаг завыг ихээхэн хэмнэсэн, олон түмэнд нээлттэйгээрээ давуу талтай юм.