УИХ-ын чуулганы нэгдсэн хуралдааныг 15.00 цагт зарласан боловч гишүүдийн ирц бүрдэхийг хүлээсээр 15.40 цагт эхэллээ. Тус хуралдаанаар УИХ-ын ээлжит сонгуульд иргэний бүртгэл мэдээллийн улсын сангийн мэдээллийг ашиглах тухай тогтоолын төслийг хэлэлцээд улмаар байнгын хороонд шилжүүллээ. Энэ нь УИХ-ын сонгуульд оролцох иргэдийг одоогийн ашиглаж байгаа иргэний үнэмлэхээр оруулах тухай агуулгатай төсөл юм.

Одоо чуулганы нэгдсэн хуралдаанаар Иргэний үнэмлэхийн талаар авах зарим арга хэмжээний тухай УИХ-ын тогтоолын төслийн хэлэлцэх эсэхийг шийдвэрлэхээр хэлэлцэж байна. Тус төсөлд иргэний үнэмлэх шинээр авах болон үнэмлэхээ үрэгдүүлсэн нийт  64 мянга орчим иргэнд цахим үнэмлэх олгох тухай заалт тусгалаа олоод байгаа юм.