Австрали, Хонг-Конг, Сингапур Японы Фукушимагийн цөмийн эрчим хүч алдагдсан бүсийн  хүнсий бүтээгдэхүүний  импортод хориг тавилаа.  Уг хоригт хүнсний ногоо, жимс, мах, далайн гаралтай бүтээгдэхүүн багтаж байгаа юм.  АНУ мөн өнгөрсөн пүрэв гаригаас эхлэн Японы хүнсний бүтээгдэхүүний импортод хориг тавьсан билээ.  Аймшигтай газар хөдлөлтийн дараах цөмийн  алдагдал Японы хүнсний бүтээгдэхүүн үйлдвэрлэгчдийг хямралд оруулаад байна.  Австрали, Сингапур зэрэг орнууд Фукушима, Гунма, Ибараки, Точиги мужийн  хөдөө аж ахуйн импортын бүтээгдэхүүнд хориг тавьсан аж.

Австралийн хүнсний стандартын зохицуулагч цацрагийн нөлөөнөөс хамгаалах урьдчилан сэргийлэх арга хэмжээ авч эхэлжээ. Хонг-Конг импортын хүнсний бүтээгдэхүүнд хориг тавьсан газруудын жагсаалтад Чиба мужийг мөн оруулсан байна.