Өнөө шөнө Хэнтий, Дорнод, Сүхбаатарын нутгаар салхи секундэд 16-18 метр  хүрч хүчтэй  цасан шуурга шуурна.

Өнөө шөнө зүүн зүгийн нутгаар ахиухан хэмжээний нойтон цас орж, нутгийн зүүн хагаст хүчтэй салхи шуургатай, хүйтэн байхыг онцгойлон анхааруулж байна.

Нутгийн зүүн хагаст үүлэрхэг. Төвийн нутгийн зүүн хэсэг, зүүн зүгийн нутгаар хур тунадас, нойтон цас орно. Салхи баруун хойноос секундэд 5-10 метр, нутгийн зүүн хагаст секундэд 12-14 метр, зарим үед секундэд 16 метр хүрч цасан шуурга шуурна. Хангай, Хөвсгөлийн уулархаг нутгаар 0-5 градус, Их нууруудын хотгор, болон говийн нутгийн өмнөд хэсгээр 11-16 градус, Алтайн өвөр говиор 15-20 градус, бусад нутгаар 3-8 градус дулаан байна.