Samsung компани шинэ загварын “Galaxy Tab 8.9” планшетаа гуравдугаар сарын 23-ны өдөр албан ёсоор танилцууллаа. Samsung-ийн шинэ планшет нь 1280 x 800-ийн нягтралтай дэлгэц, 1GHz-ийн хоёр цөмт процессор болон хос камертай юм. Уг планшет нь дэлхийн хамгийн нимгэн планшет болж чадсан бөгөөд ердөө 8,6 мм-ийн зузаантай гэнэ. Түүнчлэн жингийн хувьд ч харьцангуй хөнгөн болж чадсан байна.

Харин арын камерын мегапикселийн чадамж өмнөх загвараас даруй 5 мегапикселээр буурч ердөө 3 мегапиксел болжээ. Нэмэлт эд ангийн хувьд Galaxy Tab 8.9 планшет нь WiFi холболт, Bluetooth 3.0, USB 2.0 оролт, гироскоп, акселерометр, дижитал луужин, гадаад орчны гэрэл мэдрэгч, GPS зэргийг өөртөө багтаасан байна.