Австралийн Сидней хотноо Лондонгийн олимпийн эрх олгох буудлагын “Дэлхийн цом”-ын хоёр дахь цуврал тэмцээн үргэлжилж байна. Дэлхийн 68 орны 750 гаруй тамирчин оролцож буй “Дэлхийн цом”-ын тэмцээн 15 ангиллаар зохиогдож байгаа ба “Лондон-2012” олимпийн 34 эрх олгох юм. Манай улсаас энэ тэмцээнд нэг эрэгтэй, зургаан эмэгтэй тамирчин өрсөлдөж байгаа. Өнөөдөр эрэгтэйчүүдийн 50 метрийн урт буу /гурван байрлал/, эрэгтэй, эмэгтэй таваг буудлага, эрэгтэйчүүдийн 10 метрийн хийн гар бууны дасгал болох бөгөөд Монголын баг тамирчдаас Э.Даваахүү эрэгтэйчүүдийн 10 метрийн хийн гар бууны төрөлд онч мэргэнээ сорино.

Тэмцээн дөрөвдүгээр сарын 1-нд өндөрлөх ба мэргэн буучид залгуулаад 7-15-ны хооронд Өмнөд Солонгосын Чанвон хотноо “Дэлхийн цом”-ын дараагийн цувралд өрсөлдөх юм.

Видеог энд дарж үзнэ үү!