Монгол-Австрийн Засгийн Газрууд өнгөрсөн нэгдүгээр сард  40 хүртэлх сая евроны хөнгөлөлттэй зээл олгох санхүүгийн хамтын ажиллагааны гэрээнд гарын үсэг зурсан билээ. Энэхүү хөнгөлөлттэй зээлийг хүртээмжтэй хүргэж хоёр орны эдийн засаг, бизнесийн хамтын ажиллагааг өргөжүүлэх зорилгоор ирэх 5-р сарын 18-ны 09.30 цагт МҮХҮАТанхимын хурлын их танхимд Монгол-Австрийн бизнес форумыг зохион байгуулахаар төлөвлөсөн байна.

Бизнес форумд БНХАУ-ын Бээжин хотод суугаа Австри улсын элчин сайд тэргүүтэй 20 гаруй бизнесийн төлөөлөгчид оролцож  Монголын бизнес эрхлэгчидтэй дараах чиглэлээр  хамтран ажиллах хүсэлтээ илэрхийлэх ажээ. Тодруулбал, эрүүл мэнд, эмнэлэгийн салбар, инженер болон барилгын салбар, уул уурхайн салбар, дэд бүтэц, санхүү, зөвлөх үйлчилгээний салбар, уул уурхайн машин тоног төхөөрөмж зэрэг чиглэлээр хамтран ажиллах хүсэлтэй иргэдэд боломж нээлттэй байна.