Өнгөрсөн жил л гэхэд дэлхийн 187 орны 1100 гаруй аялал жуулч­лалын байгууллага, компани энэ үзэсгэлэнгээр өөрсдийн аял­лын газар нутаг, бүтээгдэхүүн, үйлчилгээг сурталчлан борлуулжээ. Мөн үзэс­гэлэнд оролцогчид бараг зургаан их наяд еврогийн ая­лал жуулчлалын худалдаа, хэл­цэл хийсэн аж. 2010 онд уг үзэс­гэлэнг 179351 хүн үзсэн статистик мэдээ гарчээ. Түүнчлэн энэхүү арга хэмжээг дэлхийн 89 улсын 7200 гаруй сэтгүүлч, хэвлэл мэдээллийнхэн үзэсгэлэнг сурталчилсан байна. Уг үзэсгэлэнд Монгол улс хэрхэн оролцсон та­лаар өчигдөр Байгаль орчин, аялал жуулчлалын яаманд зохион байгуулагчид мэдээлэл хийсэн юм.

Монгол улс энэхүү үзэсгэлэнд Соёлын түнш орны статусаар оролц­сон бөгөөд Байгаль орчин, аялал жуулчлалын сайд Л.Гансүхээр ах­луул­­сан ажлын бүтэн баг ажиллаад иржээ.

Европын жуулчдын сонирхол та­тах нэг улсыг жил бүрийн Берлиний ITB үзэсгэлэнгийн түншээр ийнхүү сонгож, суртал­чилгааг нь өргөн хүрээнд дэмжин явуулахаар болсон бөгөөд анхны түнш орноор нь сон­гог­дсон аж. Энэ нь тухайн ул­сын аялал жуулчлалын өрсөлдөх чадварыг сайжруулах, улмаар жуулч­дын тоог нэмэгдүүлэхэд онцгой ач холбогдолтой юм. Монголын багийн бүрэлдэхүүнд Сангийн яам, Гадаад харилцааны яам, Боловсрол соёл, шинжлэх ухааны яам, Байгаль орчин, аялал жуулчлалын яам, Соёл урлагийн хороо, Аялал жуулчлалын үндэсний төв, Аялал жуучлалын холбоо, Аялал жуулчлалын тогтвор­той хөгжлийн төв, Үндэсний аялал жуулчлалын байгууллага зэрэг төрийн болон мэргэжлийн байгууллагаас холбогдох албан тушаалтан 20 орчим хүн багтсан. Үүнээс гадна аялал жуулчлалын 12 компанийн 40 орчим ажилтан, урлагийн тоглолт, загвар үзүүлбэр, уран зургийн үзэсгэлэнд оролцох 21 уран бүтээлч, хэвлэл мэдээллийн төлөөлөгч зэрэг нийт 80 гаруй хүн­тэй томоохон бүрэлдэхүүн очсон юм. “ITB- Берлин 2011” арга хэм­жээг зохион байгуулах ажлын хэс­гийг Монгол Улсын Ерөнхий сайдын 2010 оны 11-р сарын 23-ны өдрийн 88 дугаар захирамжаар байгуулсан бөгөөд ажлын хэсгийн бүрэлдэхүүнд ХБНГУ-д суугаа Онц бөгөөд Бүрэн эрхт Элчин сайд Б.Даваадорж оролцож, тус яамтай хамтран холбогдох ажлыг зохион байгуулсан гэнэ.

Ззэсгэлэнгийн өдрүүдэд УИХ-ын дарга Д.Дэм­бэрэл­ийн гадаад ор­нуу­дад хийх айлчлал давхцаж Олон улсын хэмжээнд Монголыг сурталчлах сайхан бо­ломж бий болов. УИХ-ын дарга тэр­гүү­тэй Монголын парламентын төлөө­лөгчдийн бүрэлдэхүүнд УИХ-ын хэд хэдэн гишүүд оролцсон бөгөөд үзэсгэлэнг зохион байгуулагчид бо­лон олон улсын хэвлэлийнхэний бага төлөөлөгчдийг угтсан аж.

Үзэсгэлэнг зохион байгуулсан тал­байн хэмжээ хөл бөмбөгийн долоон талбайтай тэнцхүйц хэм­жээ­тэй аж.  Үүнээс Монголын үнд­­­сэн талбай болох 130 ам.метр талбайд тур оператор компаниудын танилцуулга, Соёлын танхимын 30 ам.метр талбайд Монголын урлаг, соёлыг танилцуулах арга хэмжээг, Экотуризмын танхимийн 21 ам.метр талбайд Монголын адал яв­далт байгалийн аяллын талаар та­нил­цуулга, шоу үзүүлбэрийг таван өд­рийн турш зохион байгуулжээ.

Үзэсгэлэнд оролцсон орнуудаас хам­гийн идэвхтэй оролцсон, сэтгэл хүч гарган оролцсон гэх шалгуураар байр эзлүүлэхэд 188 орноос Мон­гол улс гуравдугаар байранд ор­жээ. Энэ нь үзэсгэлэнд ажиллаж байсан багийнхны, яамны бэлтгэл ажил, хичээл зүтгэлтэй холбоотой бөгөөд зөвхөн үзэсгэлэнгийн үеэр Монголын павилионоос 30 мянган дүрс бичлэгийн хуурцаг, 25 мянган сэтгүүл, 100 мянган сурталчилгааны хуудсыг тараажээ. Түүнчлэн Монгол улсыг сурталчлах гурваас дөрвөн удаа хэвлэлийн хурал, мөн тооны үзүүлэн, уран сайхны тоглолтууд хийжээ.

Б.ЭНХ

ГАДААД СУРТАЛЧИЛГААНД ХӨРӨНГӨ ОРУУЛАЛТ
ХИЙХ НЬ ОЛОН САЛБАРТ ҮР АШГАА ӨГДӨГ

Байгаль орчин, аялал жуулчлалын яаманд
болсон дээрх мэдээллийн дараагаар тус яамны Аялал жуулчлалын газрын
дарга Ц.Оргодол, Аялал жуулчлалын холбооны дэд ерөнхийлөгч Н.Эрдэнэбат,
Гадаад хамтын ажиллагааны хэлтсийн дарга Д.Батболд  нараас  дараах
тодруулгыг авсан юм.

-Үзэсгэлэнд оролцсоноор ямар үр дүн гарах вэ?

-Үр дүн ирэх зунаас харагдаж эхэлнэ.
Энэхүү үзэсгэлэнд орол­цож улсаа сурталчилснаар ая­лал жуулчлалын
салбараар хязгаар­лагдахгүйгээр улс орны эдийн за­сагт чухал нөлөөтэй.
Гадаад суртал­чилгаанд хөрөнгө оруулалт хийх нь олон салбарт үр ашгаа
өгдөг.

Энэ нь хэдэн жуулчны ком­паниудын
орлого өсөхтэй холбоо­той зүйл биш. Жишээлбэл өнгөрсөн онд 460 мянган
жуулчин монголд ирж 220 сая ам.долларын хөрөнгө оруулалт хийж. Энэ жилд
энэ хэмжээ мэдэгдхүйц өснө. Түүнчлэн энэ нь үндэсний аюулгүй байдалд ч
чухал үүрэгтэй.

-Гадаадын хэвлэлийнхэн үзэс­гэлэнгийн үеэр манай улсын юуг нь
сонирхож байна. Тэдгээр хэв­лэлүүдээр Монгол улстай хол­боотой ямар
мэдээлэл гарч байна?

-Монгол улсын ёс заншил, амьдралын хэв
маягийн талаар сонирхож байна. Мөн уул уурхай, байгалийн баялгийн тухай
сэдвүүд ч тэдний анхаарлын татаж байсан. Нэр хүнд хамарч буй
хүрээгээрээ дэлхийн хамгийн томд тооцогддог энэхүү үзэсгэлэнд Монгол
Улсын санаачилгаар энэ жилээс эхлэн Соёлын түнш гэсэн шинэ хамтрагч бий
болгосон ба анхны түнш орноор Монгол улс оролцож нүүдэлчдийн соёл, ахуй
амьдралыг дэлхий нийтэд сурталчилсан арга хэмжээг “ITB- Берлин 2011”
-ийн гол онцлог хэмээн олон улсын хэвлэл мэдээллийн агентлагуудад
дамжуулсан.

-Байгаль орчин, Аялал жуулч­лалын
яамнаас аялал жуулчлалыг дэмжих ямар бодлого явуулж байна. Ирсэн
жуулчдад зориулах үйлчилгээ хэрхэн сайжрах вэ?
-Аялал жуулчлалын салбар 100 хувь хувийн өмчийнх байдаг. Бидний зорилго
тэдний үйл ажиллагаанд учирч буй бэрхшээлийг арилгах. Гэвч цаашид энэ
салбарт төрөөс томоохон хөрөнгө оруулалт хийх шаардлагатай болж байна.
Тухайлбал эхний ээлжид зам дагуу амрах цэгүүдийг бий болгомоор байна. Ер
нь хүний наад захын хэрэгцээг хангасан зүй­лийг бүтээх л чухал шүү дээ.
Мөн хууль эрх зүйн орчныг сайжруулах чиглэлээр Аялал жуулчлалын хуульд
нэмэлт өөрчлөлт оруулах тухай саналаа боловсруулаад байна.

Б.МАНДАХ