Холливудын супер кино найруулагч Steven Spielberg тансаг зэрэглэлийн хөлөг онгоц, дарвуулт завь үйлдвэрлэгч Oceanco компаниас худалдаж авсан Seven Seas дарвуулт завьтайгаа St. Barth болон St. Maarten-ы боомтоор зугаалж яваа нь харагдах болжээ. Салбартаа шилдэгт тооцогдох Azure-ийн зураг төслөөр бүтээсэн уг дарвуулт завины интерьер дизайныг Nuvolari & Lenard хариуцаж, гүйцэтгэсэн гэнэ. 200 сая ам.долларын үнэтэй энэ завь 5 метр орчим гүнзгий шилэн хана бүхий усан сантай аж. Усан санг битүүлснээр нисдэг тэрэгний зогсоол болгон ашиглаж ч болох гэнэ. Мөн бүрэн тоноглосон фитнессийн өрөө, спа болон массажны өрөө, кино театртай юм байна.