Гольфын спортын түүхэнд нэрээ мөнхөлсөн шилдэг эмэгтэй гольфчдын нэг Шведийн Анника Сёрнстам хүүтэй болжээ. Хэдийгээр хугацаанаасаа өмнө төрсөн ч эх, нярайн бие сайн байгаа гэнэ. Сёрнстам амаржсанаас хойш ердөө ганцхан цагийн дараа өөрийн Twitter-т “СЮРПРИЗ! Би өнөөдөр эмнэлэгт очоод 18.33 цагт хүүтэй боллоо. Хүүдээ William Nicholas McGee гэж нэр хайрласан. Миний бие сайн байгаа. Хэдийгээр Will маань 27 долоо хоногтой төрсөн ч сайн байгаа” хэмээн бичжээ. Сёрнстам болон түүний нөхөр Майк МакГи нар мөн Ава хэмээх охинтой юм.