БНСУ-д Монголын соёлын өдрүүд болж байна. Энэ хүрээнд манай кино өдрүүдийг зохион байгуулж, өөр өөр цаг үед туурвисан таван киног Сөүл хотын театруудаар гаргах гэнэ.

“Говийн зэрэглээ”, “Мандухай цэцэн хатан”, найруулагч Бямбаагийн “Хүсэл”, “Х түц” хамтлагийн “Болсон явдал”, найруулагч Н.Наранбаатарын “Үл таних эмэгтэй” кинонууд солонгосын үзэгчидтэй монгол киноны нүүр царайг таниулан уулзана. Соёлын өдрүүдийн хүрээнд Монгол Улсын Морин хуурын чуулга уран бүтээлийн дээжээсээ толилуулна.