Сүхбаатар дүүргийн шүүхэд шалгагдаж байхдаа одоогоос таван жилийн өмнө оргон зайлсан онц аюултай гэмт хэрэгтэн болох Л.Түмэн-Өлзийг Эрүүгийн цагдаагийн газраас эрэн сурвалжилсаар байна. Тэрбээр 1981 оны наймдугаар сарын 13-нд төрсөн, 160-165 орчим өндөртэй, зууван шар царайтай, ширүүн харцтай, халимаг үстэй, Улаанбаатар хотын харьяат, шүүхээр гурван удаа ял шийтгүүлсэн  нэгэн гэнэ. Түүний талаархи мэдээллийг иргэд  ЭЦГ-ын 321182, 265677, 265732 дугаарын утсанд өгч болох юм байна.