Бейсболлын домогт тоглогч Берри Бондс гурван жил өнгөрсөний эцэст шүүхийн өмнө худал мэдүүлэг өгснийхөө төлөө шийтгэл хүлээх болж байна. Сан Франциско хотын шүүх түүнийг сэргээшийн төрлийн бодис хэрэглэж байсан гэж үзэн буруутгаж байсан билээ. Бондсын хувьд “Сан Франциско Жайантс” багт тоглож байхдаа нэг улиралд 73 homerun хийж, домогт Ханк Аароны амжилтыг эвдэж байсан юм. Орон нутгийн цагаар өнөөдөр болсон шүүх хуралд таван цаг гаруй мэдүүлэг өгсөн Бондсыг шүүхийн 12 иргэдийн төлөөлөгч бүгд буруутай гэж үзсэн байна.

Хар хослол, саарал зангиа зүүсэн Бондсыг шүүхийн шийдвэрийн дараа шууд цагдан хорих газар руу авч явсан аж. 2007 оны арваннэгдүгээр сард хэрэгт сэжиглэгдэн шүүхэд дуудагдсан Бондс дөрвөн удаагийн шүүх хуралд буруу, худал мэдүүлэг өгсөн учраас эцэст нь шийтгүүллээ.

Анх 2007 онд баривчлагдахад нь түүнийг мянган мянган хөгжөөн дэмжигчид, зуу зуун сэтгүүлч сурвалжлагчид, фото зурагчид бүчин дагаж байсан бол энэ удаад байдал огт өөр байсан юм. АНУ-ын тойргийн шүүгч Сузан Иллстон Мэйжор Лиг Бэйсболлын дээд амжилтыг эзэмшигч агуу тоглогчийн буруутайг тогтоон хэргийг хаасан байна.

Эцсийн шүүхийн шийдвэр иргэдийн төлөөлөгч 12 эрхмийн шийдвэр чухал нөлөөтэй байсан. Тэдний 100 хувийн саналаар эцсийн шийдвэр гардаг журамтай юм.