Сүүлийн үед охидын шүтээн болоод байгаа “Crush Bash” хамтлагийнхан өнөөдрөөс эхлэн шинэ клипээ олны хүртээл болгоод байгаа. Тэдний ээлжит шинэ клип болох “5 in 1” дууны аяыг Оки, үгийг Zz бичсэн бол клипийг “Wanted” студи хийж гүйцэтгэсэн байна. Тэд уг клипээрээ өөрсдийнхөө шинэ дүр төрхийг харуулах болно хэмээн мэдээлж байсан удаатай. Тэгвэл тэдний шинэ дүр төрх нь “Big Bang” хамтлагийг санагдуулам байв. Учир нь тус хамтлагийн гишүүн Батука, Дөкө хоёр “Big Bang” хамтлагийн реппер TOP-ийг дуурайжээ. Өмнө нь “Shinee” хамтлагийг дуурайдаг гэх хэл аманд өртөж байсан “Crush Bash”-ийн залуус энэ удаад “Big Bang” хамтлагийг тэр дундаа TOP-ийг дуурайсан бололтой. Гэсэн ч яахав Монголын рок попын ертөнцөд өөрсдийн өнгө төрхийг нэмсэн залуу, шинэлэг хамтлаг. “Киви” хамтлагийг ч анх гарч ирж байхад нь ОХУ-ын “Виагра” хамтлагийг дуурайдаг гэдэг байсан. Сайн дуурайж чадна гэдэг бас нэг авьяас л юм даа.