Японы Засгийн газрын төлөөлөгч эрх баригчид Фүкүшимагийн атомын станцыг цаашид ашиглахгүйгээр шийдэж байгааг мэдэгдлээ. Энэ мэдэгдэл нь өнгөрсөн до­лоо хоногт уг станцад хэд хэдэн осол дараа­лан гарч цацраг туяаны бохирдол агаар мандалд хаягдсаны дараа гарч байна. Одоо тус станцын гуравдугаар блок дахь дарал­тыг галын машинаас хэдэн цагийн турш ус асгаруулан байж буулгаж авчээ. Станцын удирдлага хэлснээр цацраг идэвхт бодистой уур гарах шаардлагагүй болсон байна.   
Газар хөдлөлтөд нэрвэгдсэн “Фүкү­шима” станцын цацраг туяаны хаягдал нь ослын газраас хэдэн мянган км-ийн цаана Оросын зүүн хэсэг ба АНУ-ын баруун эрэгт бүртгэгджээ. Ням гаригийн орой салхи цацрагийн хаягдлыг өмнө зүгт хөөнө гэж шинжээчид үзэж байв. Салхины өөрчлөлтөөр аюултай бохирдлыг Токиогоос өмнө зүгт 250 км-ин цаана тууна гэсэн тооцоотой байв.