Японоос  Тайваньд импортолсон шош­ноос цацраг идэвхт бодис илэрсэн тухай Тайванийн албан тушаалтнууд мэдэгдлээ. Японоос тээвэрлэсэн бүтээгдэхүүнээс илэрсэн цацраг туяаны анхны бохирдол болж байна. Тайванийн атомын эрчим хүчний зөв­лөлийн дэргэдэх шалгалтын төвөөс мэдээлс­нээр бага хэмжээний йод ба цезий баасан гаригт Японоос импортлон оруулж ирсэн шошийн ургамлаас илэрсэн байлаа. Цацраг туяаны бохирдол Тайванийн хууль дүрмээр тогтоосон радиацийн хэмжээнээс бага бөгөөд хүний эрүүл мэндэд хор хөнөөлгүй гэнэ.
Өнгөрсөн бямба гаригт ослын “Фүкүшима” АЦС-аас 30-120 км-ийн зайтай фермүүдийн бүтээгдэхүүнээс цац­раг туяа илэрсэн байлаа. Фүкүшима му­жаас бүтээгдэхүүн нийлүүлэлтийг хориг­лох талаар Японы эрх баригч нар ярилцаж байна. Мөн хүний эрүүл мэндэд хор хө­нөөл­гүй хэмжээний цацраг туяа тоос шороо ба тунадастай хамт хэд хэдэн мужид унасан тухай “Киодо” агентлаг мэдээлсэн байна.