Өнгөрсөн жил Концессын тухай хуулийг УИХ баталж, хэрэгжүүлэгчээр Төрийн өмчийн хороо ажиллаж байгаа билээ. Мөн концессын гэрээгээр хийж гүйцэтгэх ажлын жагсаалтыг Засгийн газар баталсан байгаа. Энэ ажлыг хэрэгжүүлэхээр Төрийн өмчийн хороо Концесс олгох уралдаант шалгаруулалтыг зарлажээ. Үүнд, Тавантолгой-Ханбогд-Ханги чиглэлийн авто зам, Нарийнсухайт-Шивээхүрэн чиглэлийн авто зам төсөл болон Улаанбаатар хотыг Хөшигийн хөндийн нисэх онгоцны буудалтай холбох хурдны авто зам барих төсөл байна.  Эдгээр төсөл “Барих-Ашиглах-Шилжүүлэх” төрлийн концесс байх юм байна.

Урьдчилсан шалгаруулалтад оролцох хүсэлтэй этгээд нь хатуу хучилттай авто зам барих техник, технологийн чадвар, туршлагатай, авто замын барилгын ажлыг санхүүжүүлэх, концессын гэрээний хугацаанд тавигдсан шаардлага, нөхцөлийн дагуу замын засвар, арчлалтыг гүйцэтгэх чадвартай байна. Урьдчилсан шалгаруулалтын баримт бичгийг энэхүү урилгын дагуу оролцох хүсэлтээ албан бичгээр ирүүлж, эргэн төлөгдөхгүй нөхцөлөөр урьдчилсан шалгаруулалтын баримт бичгийн үнийг Төрийн өмчийн хорооны дансанд төлж баримтыг ирүүлсэн этгээдэд олгох юм байна. Энэ нь ерөнхийдөө тендерийн материалтай төстэй ажээ.

Б.СҮРЭН