Хүмүүс төлбөрт үйлчилгээг сонгох болжээ | News.MN

Хүмүүс төлбөрт үйлчилгээг сонгох болжээ

Хуучирсан мэдээ: 2010.04.12-нд нийтлэгдсэн

Хүмүүс төлбөрт үйлчилгээг сонгох болжээ

Оны эхний гурван сард улсын хэмжээгээр 4500 хүн нас барсан нь өмнөх оны мөн үеийнхээс 793 хүн буюу 21.4 хувиар нэмэгджээ. Энэ хугацаанд эмнэлэгт хэвтэн эмчлүүлэгсдийн тоо ч мөн өсчээ. Харин 182600 хүн хэвтэж эмчлүүлсэн нь өмнөх оны мөн үеийнхээс 21.1 мянган хүн буюу 13.1 хувиар өссөн байна.
Хувийн эмнэлгүүд эхний улиралд 224200 хүнд үйлчилж, 3074.7 сая төгрөгийн төлбөртэй үйлчилгээ үзүүлсэн байна. Өмнөх оны мөн үеийнхтэй харьцуулахад хувийн эмнэлгээр үйлчлүүлсэн хүний тоо 50.9 хувиар өсч, төлбөрт үйлчилгээний хэмжээ 2.4 дахин нэмэгджээ. Түүнчлэн улсын дунджаар 10 000 хүн тутамд ногдох халдварт өвчнөөр өвчлөгчдийн тоо 28 болж, өмнөх оны мөн үеийнхээс зургаан хүнээр цөөрчээ. Эхний улирлын байдлаар ХДХВ/ДОХ-ын дөрвөн тохиолдол шинээр бүртгэгдэж, улсын хэмжээнд 66 хүн ХДХВ/ДОХ-ын вирус тээгч болжээ. ХДХВ/ДОХ-ын шинээр бүртгэгдсэн дөрвөн  тохиолдлын хоёр нь Улаанбаатар хотод бүртгэгдсэн байна.

Д.Цээнэ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж