АНУ-ын 40 дэх Ерөнхийлөгч Рональд Рей­га­ны мэндэлсний 100 жилийн ойд зориулан Америкийн шуудангийн компани түүний зураг бүхий марк гаргажээ. Уг маркийг түүний 1985 онд авахуулж байсан зураг дээр үндэслэн хийсэн байна.

Мөн Калифорни му­жийн тогоочид "Ерөнхий­лөг­чийн бялуу" хэмээх нэр­тэй, 181 кг жинтэй, таван дав­хар аварга тортыг хийж байсан юм. Дэвид Ло­фэр ах­лагчтай 10 тогоо­чоос бүрдсэн баг бялууг хий­хэд 160 цаг зар­цуулсан гэнэ. Түү­нийг хий­хэд 45 кг гурил, 90 кг элсэн чихэр, 54.4 кг ургамлын тос, 400 өндөг ор­сон гэнэ. Тортны оройн хэсэгт толгой нь ца­гаан, их бие нь шоколадаас бүтсэн бүргэдийг урлажээ. Мөн тогоочид бялуу дээр Америкийн төрийн дал­баа, 100 ширхэг таван хошуу, Ерөнхийлөгчийн дардас, Ка­лифорни мужийн бэлгэ тэм­дэг, Рональд Рейганы үед бүтээсэн атомын онгоц зэр­гийг сийлсэн аж. Америкийн экс Ерөнхийлөгч шоколад, цэлцгэнүүрт дуртай нэгэн байсан бөгөөд тиймээс ч төр­сөн өдрөө тэмдэглэх дуртай байжээ. Бялууг Кали­фор­ни мужийн Сими-Вэллей хо­тод байдаг Рей­га­ны номын сан болон музейд бүрэн бүт­нээр нь хүргэж өгө­хөд нэлээд бэрх­шээл тул­гарсан талаар тогоо­чид хуу­чилжээ. АНУ-ын экс Ерөн­хий­лөгч Роналд Рейган 2004 онд 93 насан­даа таалал төгс­сөн юм.