Хятадын зураач, тэрс үзэлтэн Ай Вэйвэйгийн блог 18-ны ням гаригт нээгдээд хоёр цаг болсны дараа хаагджээ. Хятадын Sina Weibo микроблогийн үйлчилгээгээр нээсэн зураачийн блогт хоёр цагийн хугацаанд арав гаруй мянган хэрэглэгч бүртгүүлсэн байна. Гэвч ямар нэг тодорхой шалтгаангүйгээр Ай Вэйвэйгийн микроблогийг хаасан ажээ.

Зураач өөрийн нэр нь “хориотой” байхаа больсон байхыг хараад сайтад блогоо нээсэн байна. Өмнө нь Sina Weibo микроблогийн үйлчилгээгээр Ай Вэйвэй нэртэй холбоотой хайлт хийхийг ч хориглож байсан юм. Хятадад захиргааны зөвшөөрөл авсны дараа блогт бүртгүүлэх боломжтой болдог аж. Бээжин энэ зөвшөөрлөө садар самуунтай тэмцэхтэй холбон тайлбарладаг гэнэ.

Ай Вэйвэй Twitter-т бүртгэлтэй бөгөөд түүнийг 130 мянга гаруй хүн “дагажээ”.