Өмнөд Солонгосын “Big Bang” хамтлаг дахин шуугиан тарьж эхэллээ. Өмнөд Солонгосын шоу бизнесийн ертөнцөд төдийгүй дэлхийд өөрсдийн байр суурийг олсон “Big Bang” хамтлаг эргэн иржээ. Гэхдээ тэд энэ удаад стиль, имижээ өөрчилж, дахин төрсөн юм шиг л болсон байна. Өнгөрсөн хоёрдугаар сард худалдаанд гаргасан “A Live” тав дахь сингл цомог нь өдгөө хамгийн эрэлт ихтэй цомгуудын нэг болжээ.
Тэдний “A live” цомог нь нийт долоон дуутай бөгөөд электро, dance, цоглог хэмнэлтэй уран бүтээлээс бүрдсэн юм. Хамтлагийн залуус шинэ цомгийнхоо “Blue”, “Bad boy”, “Fantastic Baby” дуундаа клип хийлгээд байгаа аж. Харин тус цомогт багтсан дөрвөн ч дуу нь хэдийнэ “K-Pop” чартын эхний аравт багтсан байна.