Хөдөө орон нутгийн театрууд “амь орон” даацтай томхон уран бүтээлүүд хийж эхлээд байна. Түүний нэг жишээ нь Хэнтий аймгийн “Хан Хэнтий” ардын дуу бүжгийн чуулга. Тэд саяхан “Учиртай дөрвөн толгой” нэртэй рок мюзиклийг тавьлаа. Д.Нацагдоржийн “Учиртай гурван толгой” зохиолоос сэдэвлэсэн энэхүү бүтээлийн цомнолыг Б.Бадрал бичиж, Б.Авирмэд найруулсан байна.

Бидний мэдэх Юндэн, Нансалмаа, Хоролмаа, Балганы амьдрал орчин үеийн Улаанбаатарт өрнөдөг мюзикл хөдөөгийн чуулгын хэв маягийг эвдсэн шинэлэг бүтээл боллоо.