Монголын ногоон нам энэ сарын 26-нд Төрийн ордонд Их хурлаа хийхээр болоод байгаа юм. Их хуралд хот, хөдөөгийн 350-400 орчим гишүүн оролцоно гэж МНН-ын Гадаад харилцаа эрхэлсэн дарга Э.Зоригт хэвлэлийн бага хурлын үеэр онцоллоо. Хэдийгээр тус нам дотооддоо зөрчилтэй байгаа ч олонхи масс МНН ИЗН-тай нэгдэх үйл явцыг дэмжиж буй гэнэ. Тиймээс МНН-ын Их хурал болохтой зэрэгцэн ИЗН-ч мөн Их хурлаа хийнэ. Улмаар хоёр нам нэгдсэн хурлаа хийхээр төлөвлөсөн гэлээ.

Харин Онц их хурал хуралдуулан, ИЗН-тай намаа нэгтгэхийг эсэргүүцэж буй МНН-ын гишүүн О.Бум-Ялагч, Д.Балсандорж нар Их хуралд оролцох уу гэсэн сэтгүүлчийн асуултад Э.Зоригт: -Энэ хоёр гишүүн манай намын бага хурлын болоод Их хурлын гишүүн. Тийм учраас бид Их хуралд оролцох урилга явуулна гэлээ.