WikiLeaks сайтад Америкийн тагнуул, судалгааны Stratfor компанийн нууц захидлуудаас нийтэлсэн ба тэнд тагнуулчид Тимошенког баривчилсны дараа оросууд Януковичийн үйлдлийг хянаж чадахаа больсон гэж өгүүлсэн байв.

Stratfor мэдээлснээр Путин Януковичид хэзээ ч итгэж байгаагүй бөгөөд Тимошенког дэмжиж иржээ. Учир нь түүнийг худалдан авах нь амар байсан гэнэ. Харин ерөнхийлөгч Медведев Тимошенкод дургүй, Януковичийг илүүд үздэг байсан аж. Тимошенко Медведевыг үл тоон үргэлж Путинтэй харьцаж ирснээс Дмитрий Медведев дургүй байжээ.