УИХ-ын чуулганы ээлжит бус хуралдаанаар Монгол Улсын 2012 оны төсвийн тухай хуульд нэмэлт, өөрчлөлт оруулах тухай хуулийн төслийн дөрөв дэх хэлэлцүүлгийг хийж, гишүүдийн 94.1 хувийн саналаар баталлаа. Төсвийн тодотголын үйлчлэх хугацааг УИХ-аас 2012 оны хоёрдугаар сарын 1-нээс эхлэн мөрдөхөөр зааж өглөө. Ингэснээр төрийн албан хаагчдын цалин, ахмад настнуудын тэтгэврийн хоёрдугаар сарын 1-ний нэмэгдлийг энэ сард нөхөн олгох болж байна.