Хүүхэд
багачуудыг Дархан хотынхоо яруу найрагч, зохиолчдын уран бүтээлтэй
танилцуулах, хүүхдийг номтой нөхөрлүүлэх, үгийн урлагаар
дамжуулж сурагчдын хөгжил төлөвшилд нөлөөлөх зорилготойгоор 
“Манай хотын яруу
найрагчид өдөрлөг”-ийг зохион явуулж байна. Энэ хүрээнд Дархан
хотын яруу найрагч, зохиолчдын туурвисан бүтээлийн үзэсгэлэнг
аймгийн төв номын санд нээжээ. Төрөлх хотынхоо
50 жилийн ойд зориулан энэ хотод амьдарч, уран бүтээлээрээ
олны оюуныг мялааж байдаг
зохиолчдын бүтээлийг дэлгэн тавьсан байлаа.

Утга зохиолын төлөө шагналт
Монголын зохиолчдын эвлэлийн салбар зөвлөл 20 гаруй
гишүүнтэй. Өнөөдрийн байдлаар аймгийн төв номын санд
гэхэд 300 гаруй төрлийн Дарханы зохиолчдын бүтээл
уншигчдын хүртээл болж байна. Хүүхдүүд Дарханы
зохиолчдын бүтээлтэй танилцахаас гадна, тэдний бүтээлийг уйгаржин монгол бичгээр бичин, тухайн зохиолоос төрсөн сэтгэгдлээ
цаасан дээр уран зургаар илэрхийлж, яруу найргийн зохиолоос уран яруу уншиж өрсөлдөх гэнэ. Өдөрлөгийн хүрээнд
сурагчид яруу найрагч, зохиолчидтой уран бүтээлийн уулзалтыг ч хийжээ.  Ерөнхий боловсролын
сургуулийн уран зохиолын хичээлийн агуулгад ч дэлхийн сонгодог зохиолоос эхлээд
тухайн орон нутгийнхаа зохиолчдын бүтээлтэй танилцах
багтсан байдаг болохоор хүүхдүүд энэ өдөрлөгийн үйл ажиллагаануудад идэвхитэй оролцож байна.

М.Дэлгэржаргал