Монгол улсад орчин цагийн Зэвсэгт хүчин байгуулагдсаны 90 жилийн түүхт ой тохиож байна. Мөн энэ сарын 18-ны цэргийн баярыг энэ жил “Монгол цэргийн өдөр” болгон тэмдэглэн өнгөрүүлэх хүрээнд өнөөдөр 50 жилийн тэртээд цэргийн алба хааж байсан ахмадуудыг хүлээн авлаа. 1961-1965 онуудад цэргийн алба хааж байсан байлдагчид нь Найрамдлын дархан хотын бүтээн байгуулалтанд гар бие оролцож явсан хүмүүс юм. Өнөөдрийн уулзалтыг Дархан сумын ахмадын хорооноос зохион байгуулж байна.
Цэрэг, байлдагч явсан тэртээх он жилүүдээ дурсан, Дархан хотын бүтээн байгуулалтанд хэрхэн оролцож байсан тухай дурсамж яриаг энэ үеэр ахмадууд дэлгэж байв.