Английн "Челси" клубын эзэн Роман Абрамович ерөнхий дасгалжуулагч Андре Виллаш-Боашийн өмнө  2012/13 тоглолтын улиралд Аваргуудын лигт багаа заавал гаргах үүрэг өгөв. Түүнийг эс биелүүлбээс Виллаш-Боаш өнөөгийн улирал дуусахаас өмнө халагдана гэж Абрамович сануулсан тухай The Sun бичжээ.

Сүүлийн тав хоногийн дотор Абрамович гурван удаа "Челси" багийн лагерь ирж ахлах дасгалжуулагчтэй ярилцсан байна. Тэрээр багийн тоглолтод сэтгэл дундуур байгаа ажээ. Аваргуудын лигд орохын тулд баг Английн аваргын тэмцээнд дөрөвдүгээр байрнаас доош байж болохгүй гэнэ. Одоо “Челси” тэмцээнд тэргүүлж байгаа “Манчестер Сити” багаас 14 оноогоор хоцорч явна.