НҮБ-аас Сомалийн өлсгөлөнд нэрвэгдсэн хүмүүст тусалсан тухай Associated Press мэдээлэв. Олон улсын байгууллагын тооцоолсноор Сомалид 2,3 сая хүн өлсгөлөнд нэрвэгдээд байгаа бөгөөд энэ нь тус улсын хүн амын гуравны нэг нь юм. Харин НҮБ-ын тооцоогоор өнгөрсөн оны дундуур Сомалид 3,7 сая хүн хоол хүнсээр дутагдан, өлсч байсан гэжээ. Өнгөрсөн есдүгээр сард НҮБ Сомалийн зургаан бүс нутагт өлсгөлөнг бууруулсан юм. Сомали улсад төвлөрсөн засаг захиргаа байхгүй бөгөөд 1990-ээд онд болсон иргэний дайны дараа олон тооны бүлэглэлүүд тус улсыг удирдаж байгаа аж.

Африкийн зарим орны хүнсний хангамжийг сайжруулан, өмнө нь өлсгөлөн нүүрлэж байсан бүс нутгуудын байдлыг өөрчилсөн талаар НҮБ-ын албаныхан мэдэгдсэн байна. Өнгөрсөн намар ургац сайн байсан нь хүнсний хангамжид сайнаар нөлөөлсөн бөгөөд олон улсын болон тусламжийн байгууллагуудаас ихээхэн хэмжээний хүнсний бүтээгдэхүүн илгээсэн юм.