Япон Улсад болж буй газар хөдлөлт, цунамигаас үүдсэн гарз хохирол гамшгийн хэмжээнд хүрч, хүний амь нас, эрүүл мэнд, байгаль орчин, эдийн засгийн хэмжээлшгүй их хохирлыг амсуулаад байгаа энэ хатуу цаг үест Монголын нийт ард түмэн Японы ард түмэнтэй хамт байж, уй гашууг зүрх сэтгэлээрээ хуваалцаж байгаа билээ.

1998 онд анх Япон Улсын Ниссан Мотор-ын албан ёсны дистрибьютороор шалгарч, бизнесийн гараагаа эхэлсэн Моннис Группээс  20,0 сая төгрөгийг Японы ард түмэнд учирсан хохирлоо даван туулах, гамшгийн дараах бүтээн байгуулалтад зориулан хандивлаж байна. Хандивыг Монголын Худалдаа Аж Үйлдвэрийн Танхимаас санаачлан хуримтлуулж буй хандивын дансанд төвлөрүүллээ.

Япон оронд байгалийн гамшгийн учруулсан хүнд гарз хохирлыг Японы ард түмэн сэтгэлийн тэнхээтэй, хамтын хүчээр даван туулж, цаашид учирч болох аюул гамшгаас урьдчилан сэргийлэн хохирлыг богино хугацаанд арилгаж чадна гэдэгт Моннисчүүд бид итгэлтэй байна.