Улсын тэргүүн болж байгаа Цэргийн дээд зөвлөлийн дарга Хусейн Тантави, Египетэд 30 жилийн турш үйлчилж байгаа онц байдлыг цуцалсан тухай мэдэгдсэнийг Associated Press дамжуулсан байна.

Онц байдлыг цуцалсан шийдвэр энэ 25-наас эхлэн хүчин төгөлдөр болно. Энэ өдөр Хосни Мубаракийн дэглэмийг унагасан хувьсгалын нэг жилийн ойг тэмдэглэх юм. Гэхдээ хоригийн хуулийн “дээрэмдлэг” гэсэн заалт хэвээр үлдэнэ гэж маршал хэлэхдээ энэ тодорхойлтод ямар зүйлийг хамруулж буйгаа хэлсэнгүй.