Монголын үйлдвэрчний эвлэлийн холбооны ерөнхий­лөгч С.Ган­баатар олон ний­тийг жагсаалд уриалаад 17 хонолоо. Нефтийн бүтээг­дэ­хүүний үнийн өсөлт ард түмнийг сөхрүүлж байгаа энэ үед түүнийг хүмүүс дэм­жиж байгаа. Гэхдээ төв тал­бай дээр жагсаал зохион бай­гуулахад ирж оролцсон хү­мүүсийг ха­рахад хангалтгүй санагдаад байна. Хэдийгээр өчигдөр С.Ган­баатар тэргүүтэй жаг­саал зохион байгуулагчдыг УИХ-ын дарга Д.Дэмбэрэл, УИХ-ын гишүүн, Эдийн зас­гийн байнгын хорооны дарга Д.Зоригт нар хүлээн авч уулз­сан ч үнийн хөөрөгдлийн эс­­­рэг шийдвэртэй алхам хий­­­хээ амалсангүй. Харин ч эс­­рэгээрээ С.Ганбаатарыг “рекэт­­лэж байна” гэх маягийн асуу­­­дал яриад, “жагсаалаа да­­­руйхан зогсоо” гэж том­ров. Үнэндээ С.Ганбаатар дар­­лагдсан ард түмний дуу хоо­лой болж байгаа нь үнэн. Түүнд төр засгийг рекэтлэх со­нир­хол ч байхгүйг бид бүхэн мэднэ. С.Ганбаатарын цаана улс төр биш ард түмэн бай­­гаа. Өдрийнхөө хоолыг арай гэж аргацааж байгаа ард тү­мэн үнийн хөөрөгдлийг тэсч гарч чадахгүй. Монгол Улс төртэй юм бол ядуу ард түмнээ нэг удаа бодож үзэх ёстой. Гэвч харамсалтай нь  энэ асуудлыг шийдэх сэт­гэл зүрх  Засгийн газарт алга. Тэд зургаан сайдтайгаа ороо­цолдоод ухаан сэхээ ч алга. Тэгэхээр МҮЭХ-ны ерөнхий­лөгч С.Ганбаатар та илүү өргөн хүрээтэй тэмцэлд ард түмнийг уриа­лан дуудаач. Иймэрхүү жаг­саал цуглаанаар асуудлыг ший­дэхгүй ээ. Цаадуул чинь хүлээж авахгүй. Ийм дүлий төрийг номхотгох ганцхан арга бий. Тэр бол бүх нийтийн ажил хаялт. Хамгийн тэргүүн эгнээнд эмч, багш, нийтийн тээврийн салбарынхныг ажил хаялтад татан оролцуулмаар санагдана. Үнийн хөөрөгдөлд нэрвэгдэж сэтгэл санаагаар хохирч байгаа эмч нар энэ са­налыг дэмжинэ. Мөн сур­гууль цэцэрлэгийн багш нар ч  ялгаагүй. Улмаар тө­мөр замчид, нийтийн тээвэрийн­хэн гээд салбар бү­хэн та­ныг дэмжинэ. Учир нь та өөрийнхөө төлөө жагсаагүй гэдгийг бид мэдэж байна. Неф­­тийн бүтээгдэхүүний үнийн хөө­рөгдлийг хамгийн их мэ­дэрдэг, хохирдог бай­­гуул­­лага бол нийтийн тээв­­рийн салбар. Тэгэхээр ний­тийн тээврийнхэн ч таныг дэм­­­жинэ гэдэгт итгэлтэй бай­­на. “Илжигний чихэнд ус хий­­сэн ч сэгсэрнэ, алт хийсэн ч сэгсэрнэ” гэж үг байдаг. Тэ­гэхээр ард түмнээ малнаас дор үзэж буй эрх баригчдын эсрэг ажил хаяцгаая. Юу ч гэж хэлээд, яаж ч тэмцээд хө­­дөлж өгдөггүй энэ төрийн эсрэг С.Ганбаатар таны хийх ажил их байна. Бүх нийтийн ажил хаялтыг сэтгүүлчид бид өдөөе. С.Ганбаатарын ард улс төр биш ард түмэн бий.