Япон Улсын Мияги мужид болсон газар хөдлөлт, цунамийн улмаас олон хүний эрдэнэт амь эрсдэж, их хэмжээний эд материалын хохирол учирсантай холбогдуулан Монгол Улсын Ерөнхийлөгч ард түмэнд хандаж Японы ард түмэнд туслах уриалга гаргасан билээ.

Энэхүү уриалгыг дэмжиж Монгол Улсын Ерөнхий прокурорын шийдвэрээр Прокурорын байгууллагын нийт прокурор, ажилтнууд хоёр өдрийн цалингаа хандивлахаар боллоо.