Английн жүжигчин хэдэн сарын турш олон нийтийн өмнө байнга малгайтай явдаг байсны учир тайлагджээ. Парист болсон “Sherlock Holmes: Game of Shadows” киноныхоо нээлтэд  ирэхдээ толгой нүцгэн иржээ. Түүний байнга малгайтай явж байсны шалтгаан нь үс нь халзарч эхэлсний гай гэнэ.

Ярилцлага, хэвлэлийн бага хурлын үеэр ч малгайтай явдаг тэрбээр  харин пүрэв гаригийн нээлтэн дээр тун тайван харагдаж байсан аж. Киноны найруулагч, продюсер Guy Ritchie харин энгийн мөртлөө дэгжин хар даашинз өмссөн модель найз бүсгүй Jacqui Ainsley-ийн хамт ирсэн байна. Харин Jude цугларсан шүтэн бишрэгчидтэйгээ зураг авахуулан зогсжээ.

39 настай жүжигчин өнгөрсөн аравдугаар сараас хойш ямар нэгэн малгайгүйгээр харагдаагүй билээ. Арванхоёрдугаар сард Graham Norton-ы ярилцлагын шоунд ирэхдээ хүртэл ноосон малгайтай байсан тул үзэгчид  “Малгайгаа ав” хэмээн хашгирахад тэрбээр “Би шинэ киноны дүрдээ хувирах гэж маш муухай үсний засалттай болчихоод байна” хэмээн хошигножээ.