Хөгжмийн зохиоч М.Хатанбаатарын хөгжим, Л.Мөнхжаргалын шүлэг “Цагаан сар” дууг “Нюанс” хамтлаг Улсын дуурь, бүжгийн эрдмийн театрын дуурийн гоцлол дуучин Ө.Уянгатай хамтран 2000 оны эхээр дуулж байсан. Тэгвэл энэ жил “Нюанс” хамтлаг, дуучин Ө.Уянга нар “Цагаан сар” дуугаа шинэчлэн дуулж, клиптэй болгохоор зэхэж байгаа гэнэ. Тэд энэхүү дуундаа зориулж, “Торго” салоноор уламжлалт болон орчин үеийн хэв маягийг хослуулсан дэгжин дээл захиалан хийлгэж байгаа сурагтай. Ингээд хуучны нэгэн сайхан дуу шинэ дээлээр гангарсан хүүхэд шиг болж, дахин төрөх нь ээ.