Өнөөдөр онгоцны ослоор амь үрэгдсэн Польшийн ерөнхийлөгчид онгоцтой холбоотой асуудал нэг биш удаа учирч байжээ. Тухайлбал, ерөнхийлөгч Лех Качиньскийн онгоц 2008 оны арванхоёрдугаар сард Монголын өвлийн жаврыг даалгүй Буянт –Ухаад хөлдөн жагсаалаас гарч байсан юм. Тэр үед Лех Качиньский чартерын онгоцоор Токиод очсон юм.
Лех Качиньский польшийн улс төрчдийн хамгийн тэнэг үйлдлүүдийг нэрлэсэн “Впрост” гэх сонины жагсаалтад 2008 онд бичигдэж байв. Тэр нь бас онгоцтой нь холбоотой. 2008 оны аравдугаар сард Засгийн газар нь төрийн тусгай онгоцыг нь ерөнхийлөгчид гаргаж өгөөгүй учир тэрээр Брюсселийн  саммитад чартерын онгоцоор очиж байжээ.

Г.Самбуу