Энэ онд Ховд аймгийн Зэрэг суманд шинээр сум дундын эмнэлэг барих барилга угсралтын ажил эхэлнэ. Сум орон нутагт 60, 70 оны стандарт шаардлага хангахгүй байна гэсэн мэргэжлийн албаныхны дүгнэлт, орон нутгийнхны хүсэлтийн дагуу тус суманд орчин үеийн шаардлага хангасан сум дундын эмнэлэг барих асуудал төр засгийн төвшинд дэмжигдэж, 2011 оны улсын төсөвт багтаасан байна. Уг ажлыг гүйцэтгэх барилгын компанийг шалгаруулах тендерийг энэ сарын 10-нд зарлаад байгаа бөгөөд тендерт оролцогчдын хүсэлт, баримт материалыг ирэх сарын 13-ныг хүртэлх хугацаанд Ховд аймгийн Засаг даргын тамгын газарт хүлээн авах гэнэ.