Нидерландын Эдийн засгийн сайд асан Мария ван дер Хувен (Maria van der Hoeven) 2011 оны есдүгээр сараас Олон улсын эрчим хүчний агентлагийг (IEA, ОУЭХА) толгойлохоор болов. Энэ тухай агентлагийн хэвлэлийн мэдээнд өгүүлсэн байна. Нобуо Танаки (Nobuo Tanaka) гэх өмнөх даргын бүрэн эрхийн хугацаа энэ жилийн наймдугаар сарын 31-нд дуусгавар болох юм. Мария ван дер Хувен 2007 оны хоёрдугаар сараас Нидерландын Эдийн засгийн сайдаар ажилласан юм. Өмнө нь тус орны Боловсрол, соёл, шинжлэх ухааны сайд байжээ.

1973-74 оны нефтийн хямралаар байгуу­лагдсан ОУЭХА нь Засгийн газар хоорондын байгууллага бөгөөд 28 орны эрчим хүчний бодлогын зөвлөх юм. IEA байгууллагын орчин цагийн гол зорилго нь БОХЭ ба ОРЕС байгууллагуудын орнуудын эрчим хүчний бодлогод дүн шинжилгээ хийх явдал гэж сайтад нь өгүүлсэн байна. Эдийн засгийн хамтын ажиллагаа ба хөгжлийн байгууллагын бүтэц дэх автономи статусыг ОУЭХА эдэлдэг. Одоо тус байгуулагад АНУ, Австрали, Австри, Бельги, Их Британи, Унгар, Шинэ Зеланд, Өмнөд Солонгос, Герман, Грек, Дани, Ирланд, Испани, Итали, Канад, Люксембург, Нидерланд, Норвеги, Польш, Португали, Словаки, США, Турк, Финланд, Франц, Чех, Швейцари, Швед, Япон зэрэг 28 орон ордог.