Энэтхэгийн автомашин үйлдвэрлэгч “Maruti Suzuki” компани удахгүй арав дахь сая автомашинаа үйлдвэрлэх гэж байгаа тухайгаа албан ёсоор мэдэгдлээ. Тус компаний төлөвлөж байгаагаар арав дахь сая автомашиныг гуравдугаар сарын 15-ний өдөр үйлдвэрлэх юм байна. Maruti Suzuki компани 27 жилийн турш тасралтгүй автомашин үйлдвэрлэсний дүнд ийнхүү арав дахь сая автомашинаа үйлдвэрлэх баярт мөчид иржээ.

Тус компаний мэдэгдэл дээр зах зээл буюу хэрэглэгчдийн эрэлт өмнөх үетэй харьцуулбал эрчимтэй нэмэгдэж байгаа ба энэ эрчээрээ үйлдвэрлэлээ үргэлжлүүлбэл 6-аас 7 жилийн хугацаанд дахин 10 сая автомашин үйлдвэрлэх болно гэжээ. Maruti компани 1980-аад онд үйл ажиллагаагаа эхлүүлснээс хойш Энэтхэгийн зах зээлд гол тоглогч байсаар ирсэн бөгөөд сүүлийн жилүүдэд өрсөлдөөн нэлээд ширүүсч байгаа ч байр сууриа амжилттай хадгалсаар байгаа юм байна.