Хэнтий аймаг Залуучуудын Хөдөлмөр эрхлэлтийг дэмжих жил болгон зарласан. Энэ ажлын хүрээнд Монгол дахь “Вагнер Ази Тоног Төхөөрөмж” ХХК нь мэргэжил олгон ажлын байраар хангах сургалтын хөтөлбөрт хамруулах элсэлт авч байна.

Уг хөтөлбөрт хамрагдсан иргэд Монгол Солонгос техникийн коллеж болон Вагнер АзиТоног Төхөөрөмж ХХК-ний хамтарсан сургалтанд Улаанбаатар хотод 10 сарын турш хамрагдах ба сургалтын хугацаанд байр, өдрийн хоол, сар бүр 200 $-той тэнцэхүйц тэтгэлэг авах ба хүнд машин механизмын засварчны мэргэжил эзэмшиж Монголын уул уурхайн компаниудад хуваарилагдан ажиллах юм.