Японд үүссэн нөхцөл байдалтай холбоотой ГХЯ-аас ажлын хэсэг байгуулагдан 24 цагаар ажиллаж эхэлсэн билээ. Дөнгөж сая Гадаад харилцааны яамнаас өгсөн мэдээллээр тус улсад түр хугацаагаар оршин суугаа  3200 иргэдтэй холбоо тогтоож ар гэрийнхэнд нь нөхцөл байдлын талаар мэдээлээд байна. Одоогоор голомтын бүсэд Мияагид байгаа 138, Фукушимад байсан  45 монгол иргэнтэй холбоо тогтоосон байна. Тэднийг Токио руу өчигдөр шөнөөс нүүлгэн шилжүүлж эхэлжээ.