“Гоёл” наадмын “отгон” топ модель Э.Сэлэнгэ саяхан Хайнаньд болсон "Miss Yacht Model International-2011" тэмцээнд амжилттай оролцож, шилдэг 15-д багтжээ. Тус наадам өнгөрсөн арваннэгдүгээр сарын 24-ноос энэ сарын 4-нд үргэлжилсэн бөгөөд Монгол Улсаа төлөөлж, топ модель Э.Сэлэнгэ оролцсон байна. "Miss Yacht Model International-2011" наадмын төгсгөлийн шатны тэмцээн энэ сарын 4-нд болж өнгөрсөн бөгөөд Белоруссийн мисс, 22 настай Инна Грабовская тэргүүн миссээр шалгарчээ. Удаахь байрт Бразилийн мисс Келлин Шмидт, БНХАУ-ын мисс Чжаэ Тянь Ю тус тус шалгарсан байна. Харин топ модель Э.Сэлэнгэ шилдэг 15 миссийн зургадугаарт жагсчээ. Тус наадамд дэлхийн 62 орны гоо бүсгүйчүүд өрсөлдсөн байна.