Галд үрэгдсэн иргэдийг тогтоожээ

Энэ сарын 8-ны өглөө нийслэлийн Баянгол дүүргийн ХVI хороо, Гандантэгчинлэн
хийдээс холгүй орших Туулын нэгдүгээр гудамжны 21 тоотод дөрвөн ханатай гэр шатаж, дотор нь байсан хоёр хүн амиа алдсан хэрэг гарсан билээ.

Төв гал команд харьцангуй ойр байдаг ч галын дуудлагыг оройтож өгснөөс тэдний амийг
аварч чадаагүй. Галынхныг очиход гурван гэрийн дунд талын гэр бүрэн шатаж зэргэлдээх
хоёр гэрийн бүрээс, эсгий туурга уугиж байжээ. Хууль хяналтын байгууллагынхан хэргийг
шалгаж галын аюулд өртөн үрэгдсэн иргэд хэн
болохыг тогтоосон аж. Амь үрэдэгсэд 30 настай
эмэгтэй Н, 21 настай эмэгтэй У нар байсан
гэнэ. Бүсгүйчүүд гадаад эзэнтэй ресторанд
хамт ажиллаж, хамтран уг гэрийг түрээслэн гэрийн эзнийхтэй хөрш
амьдардаг байжээ.