Швед улсын Стокгольм хотын  баруун хойд хэсэгт байрлах Дэли-Хэссэлби дүүрэгт  өнгөрөгч долдугаар сарын 11-нд гарсан хүн амины хэрэгт Монгол Улсын иргэн С.Бат-Отгоныг сэжигтнээр саатуулан шалгаж байгаа. Түүнд холбогдох хэргийн шүүх хурал өнгөрөгч наймдугаар сард болно гэж байсан ч хэргийн мөрдөн байцаалтын ажиллагаа дуусаагүй байгаа учир товлогдоогүй  байна.

С.Бат-Отгоны ар гэрийнхэн Швед улсад хоригдож буй түүнийг эргэхээр тус улсын ЭСЯ-наас виз хүсчээ. Элчин сайдын яамны зүгээс С.Бат-Отгоны өмгөөлөгч ар гэрийнхэнтэй нь уулзуулах шаардлагатай гэсэн бичиг явуулсан тохиолдолд виз гаргаж өгөхөө мэдэгдсэн байна.

Одоогоор С.Бат-Отгоны гэм буруутай нь тогтоогдоогүй байгаа бөгөөд хүний амь насыг санаатай хөнөөсөн үү, аргагүй хамгаалалт хэрэглэсэн үү гэдгийг нарийн шалгасны дараа хэргийг шүүхэд шилжүүлэх юм байна.