“Хар сарнай” хамтлагийн ахлагч С.Амармандах өнгөрсөн долоо хоногт бие даасан “Би Монгол хүн” цомгийн баяраа “I Loft Fuction House”-д нижгэр тэмдэглэлээ. 100 мянган төгрөгийн такстай түүний V.I.P баярт урлаг, соёлын болон нэр нөлөө бүхий эрхмүүд ирсэн байв. Харин энэ үдшийн эзэн, дуучин С.Амраа баяртаа зориулж дөрөв, таван ээлжийн хувцсаар гангарсан юм. Тэрбээр “Би Монгол хүн” үдэшлэгт эрэлхэг зориг баатар, Хүннү загварын дээлээр гоёод зогсохгүй С.Амраагийн имижийг бүрдүүлэгч Гитлер стилийг бүрдүүлж амжсан юм. Өнгөрсөн жилээс эхлэн улс төр, урлаг, спортынхон гээд олон хүний нүнжиг гоёлыг илтгэх болсон Хүннү дээл Амраагийн үндэсний гоёлын салшгүй хэсэг болсон бололтой.