Монгол Улсын 2012 оны нэгдсэн төсвийг батлахад ердөө таван өдөр үлдэж буй ч анхны хэлэлцүүлэг дээрээ ирээд гацаанд ороод байна. Төсвийн хэлэлцүүлгийг шуурхайлахын тулд УИХ-ын даргын зүгээс өчигдөр үдээс хойшхи чуулганы нэгдсэн хуралдаан, өнөөдрийн үдээс өмнөх хуралдаануудыг цуцалж, байнгын хороо, бүлгийн хуралдааныг хуралдуулах боломж олгосон ч хоёр талаас байгуулагдсан ажлын хэсэг 2012 оны нэгдсэн төсөв дээр нарийвчилсан тохиролцоонд хараахан хүрч чадаагүйгээс өнөөдөр 15.00 цагт зарлагдсан чуулган одоо хэр нь хойшилсоор байна.

Мөн УИХ-ын Төсвийн байнгын хороо хуралдаж чадахгүй байна. Монгол Улсын 2012 оны нэгдсэн төсвийг батлах хугацаа амралтын ирэх хоёр өдрийг оруулан тооцоход ердөө тав хоног үлдлээ.