Ерөнхий сайд Хосе Луис Родригес Сапатеро эдийн засгийн ээдрээтэй байдлын улмаас зарласан Испанийн парламентын ээлжит бус сонгуулиар парламентад хамгийн олон 186 суудлыг сөрөг хүчний Ардын нам авчээ. Саналын хуудсыг тоолж дууссаны дараа уг нам 44,62 хувийн санал авчээ. 350 суудалтай парламентад олонх болж чадсан учраас Ардын намын лидер Мариано Рахой (Mariano Rajoy) ерөнхий сайд болно.

2004 оноос хойш эрх барьж байсан Социалист ажилчны нам ням гаригийн сонгуулиар 28,73 хувийн санал буюу 110 мандат авсан байна. Ажилгүйдэл 20 хувь хүрч, эдийн засгийн хямралтай байгаа учраас ерөнхий сайд Хосе ЛуисРодригесом Сапатеро испаничуудад таалагдахгүй аривлан хэмнэлтийн хатуу арга хэмжээ авсан юм. Тэрээр өнгөрсөн есдүгээр сард парламентыг тараан ээлжит бус сонгууль зарлаад өөрөө сонгуульд оролцохгүйгээ мэдэгдэн намын лидерээс огцорсон байлаа.