Нью-Йорк хотын захирагч Майкл Блумберг ням гаригийн орой хийлгэсэн хэвлэлийн бага хурал дээр хотын засаг террорист халдлагыг урьдчилан  зогсоож чадсан гэж мэдэгджээ. Түүний хэлснээр “Аль-Каида” байгууллагыг дэмжигч 27 настай Хосе Пиментел гэгч цагдаа ба шуудангийн алба байрладаг байшинд дэлбэрэлт үйлдэхээр төлөвлөн хэрэгжүүлж эхэлсэн байжээ. Түүнийг өнгөрсөн бямба гаригт баривчлан хэд хэдэн зүйл ангиар ял тулгаад байна.

“Тэр төв нь хилийн чанадад орших том хуйвалдааны хэсэг болоогүй байсан. Пиментел Доминикан улсад төрсөн одоо АНУ-ын иргэн бөгөөд  Манхеттенд амьдарч байсан” гэж хотын захирагч хэлжээ. Пиментел 2009 оны тавдугаар сараас тусгай албаны хяналтад байсан бөгөөд “Арабын хойг дахь Аль-Каида” бүлгийн хэвлүүлдэг сэтгүүлийг үзээд тэр тэсрэх төхөөрөмж угсарч суржээ. Цагдаагийн төлөөлөгч Келли хэлснээр түүнийг баривчлах үед тэр бөмбөгөө бараг угсраад дууссан байжээ.