Нийгмийн Ардчилал Монголын Залуучуудын Холбоо, Германы Фридрих Эбертийн сантай хамтран арваннэгдүгээр сарын 11-12-нд Говь-Алтай аймгийн Алтай хотод Баруун бүс нутгийн 120 гаруй залуусыг хамруулсан ээлжит “Улс төр ба залуучууд” сургалтаа хийжээ. Энэхүү сургалтын үеэр баруун бүсийн залуусын урлагийн бага наадмыг амжилттай зохион байгуулсан явдал нь НАМЗХ-ны бас нэгэн бахархан ярих сэдвүүдийн нэг болж чадсан байна.

Уг урлагийн бага наадамд Баян-Өлгий, Увс, Завхан, Ховд, Говь-Алтай аймгийн НАМЗХ-ны авьяаслаг залуус оролцсон юм. Энэ үеэр мөн наадам болж, шилдгүүдийг тодруулжээ. Наадмын бүжгийн төрөлд Завхан аймгийн НАМЗХ-ны гишүүн Э.Дэлгэрзаяа, Б.Нарангэрэл, гоцлол дууны төрөлд Говь-Алтай аймаг НАМЗХ-ны тэргүүлэгч Ц.Энхболд, язгуур урлагийн төрөлд Увс аймгийн НАМЗХ-ны тэргүүлэгчид, шилдэг оролцогчоор Баян-Өлгий аймгийн НАМЗХ-ны гишүүн н.Гапу нар шалгарч, харин багийн нийлбэр оноогоор Увс аймгийн НАМЗХ гуравдугаар байр, Ховд аймгийн НАМЗХ хоёрдугаар байр, Завхан аймгийн НАМЗХ нэгдүгээр байрт шалгарчээ.